تنميه ذاتيه

ملخص كتاب سندريلا سيكريت

ملخص كتاب سندريلا سيكريت

في كتاب سندريلا سيكريت تحاول الكاتبة هبه السواح في قالب كوميدي خفيف أن تصنع من قصة الاسطورة سندريلا الخيالية والتي تعتبر بالنسبة لنا مجرد حدوته قبل النوم قصه واقعية تعيشها كل بنت او امرأة في يومنا هذا.

لقد تغلبت الكاتبة هبه السواح في رواية سندريلا سيكريت وملكت القدرة في دراسة المادة العلمية والنصيحة والحل بمنتهي المكر والاحترافية وخفة الروح من دون ان تشعر اي بنت انها تجلس امامها تتعلم كيف تتعرف علي نفسها وتدير حياتها.

كيف تعرف من هي وبأي طريقة تعيش وكيفية تحقيق التوازن والتأثير في كل من حولها بشكل ايجابي وكيف تتخلص البنت من عيوبها وتجاربها السلبية في الحياة.

من المؤكد انك سوف تجد نفسك بين صفحات الكتاب وليس ذلك فقط بل ستجد ايضاً إجابات كثيرة لأسئلة لها وجود داخلنا جميعاً.

نبذة عن قصة كتاب سندريلا سيكريت

كان ياماكان

الساحره اشجان قررت تعتزل السحر وتغوص في دراسة النفس البشرية.

وازاي الانسان يحقق ذاته يوصل للنجاح ويجري ورا شغفه لحد الوصول للسعاده الي بيتمناها وكثير من القضايا الانسانية التي تخص البشر علي مر الزمان .

وفي يوم فتحت الرسايل الي جايلها وجدت رسالة من سندريلا والي خلاص اتجوزت الامير الي اخدها على حصانه الابيض.

والي المفروض زي ما سمعنا في الحكايات عاشوا في تبات ونبات وخلفوا صبيان وبنات بس الواقع كان عكس كده تماما.

ومن هنا تبدأ رحلة اشجان من غير سحر ولا شعوذه ما خلاص زمن المعجزات والعصاية السحرية انتهي. تساعد سندريلا انها تغير من نفسها وحياتها للاحسن وتوجها ، واسمعي يا ست البنات نصايح خالتك اشجان.

الكاتبة من خلال مجموعة من التجارب الإنسانية التي عاصرتها عن طريق وسائل مختلفة ومن خلال رحلتها مع الحياة بتستعرض اسئله كتير بتدور جوا كل واحدة فينا وبتدينا مفتاح الحل علشان كل واحدة فينا تلاقي الإجابة الصح.

رحلة البحث عن الإجابة يمكن تكون دي اهم رحلة. هي رحلة بتكشفي فيها نفسك ومسؤولياتك وافكارك وطموحك واحلامك وتجاربك الي عدت.

وازاي تستفيدي منها وتستخلصي الدروس والعبر ومتكرريش نفس الغلطة في حياتك الجاية.

هتتعلمي ازاي  تخظتيلها وازاي توزاني بين كل متطلباتك واحتياجاتك وتحققي السلام والاستقرار النفسي.

 خمس رسايل مهمه ورئيسية وجهتها هبه في كتابها للستات والبنات  نقدر نلخصهم قي الأتي :

1. اعرفي أهميتك وقيمتك في الدنيا                              

اعرفي أهميتك وقيمتك في الدنيا وانك مميزة ومختلفة عن أي شخص تاني .

قدري نفسك وارفعي من قيمتها جواكي وبصي لنفسك بنظره  تستحقها.

وكوني متاكدة دائما ان ربنا خلقك لغاية وهدف وأن وجودك إضافة لكل الي حوليكي.

2. كوني مدركة أنك مسئولة عن حياتك                                          

متنتظريش إنقاذ أو معونة من أي شخص أو مسكنات تأخذيها علشان تغير ظروفك للأحسن أو علشان تصمدي وتواجهي .

المستقبل انتي صاحبه القرار فيه وكل الي هيحصل معتمد عليكي وعلي مجهودك الشخصي و شغفك ورغبتك القوية في الوصول .

3. كوني متوازنة     

الله سبحانه وتعالى خلقنا أسوياء وخلق لنا احتياجات في الحياة علشان نقدر نكمل فيها ونحقق مراد ربنا مننا.

وحكمه ربنا هي ان الإنسان لو اعتمد على عنصر واحد في حياته علشان يوصل للسعاده فدا هيصعب عليه حياته اكتر.

علشان كدا لازم نحقق التوازن في علاقتنا بربنا وبالي حوالينا سواء الاهل او الزوج او الابناء والاصدقاء او الشغل او المجتمع عامه.

ونشبع احتياجاتنا النفسية علشان حياتنا وسعادتنا متقفش على وجود شخص أو شئ أو مجرد هدف بنوصله  .

4. اهتمي بنفسك              

صاحبي نفسك واسمعيها و شجعيها و ادعميها وافهميها  كويس

وحبيها زي ما هي وقدريها واعرفي  انها الاولي باهتمامك وانه محدش هيكون اقرب منك ليكي انتي .

 5. كوني حرة                                                                         

كونى إنسانة حرة من جواكي متحطيش نفسك تحت رحمة  شىء أو شخص.

متخليش طموحك مرهون بأي شئ في الحياة غير ربنا سبحانه وتعالى ثم نفسك وقوتك الداخلية .

متفرضيش علي نفسك قيود ومفاهيم خطأ وكلبشات تعطلك وتقف بينك وبين النجاح والتقدم زي المثالية المفرطة الي ممكن تضيع طعم اي نجاح او هدف بتوصليله .

القلق والتردد الزياده الي بيخليكي وقفه محلك سر وخايفه تاخدي خطوة لقدام ويحبس روحك ويحجم انطلاقك.

جلد الذات بصورة مستمرة أو التسويف وغيرها من القيود الي بتأخر مسيرتك والوصول لطموحك وتتطورك .

واخيرا حبي نفسك وحياتك واسألي كتير وسيبي التجارب ترد عليكي خدي نفسك بالراحة وبرؤيه ثابتة وشجاعة وتركيز.

ساعتها هيبقي لحياتك معنى و هتحسي بسعاده من قلبك وطاقة في حياتك محستيهاش قبل كدا.

اقرأ ايضا : ملخص رواية شفيرة بلال

السابق
كيف تعلم طفلك القراءة الصحيحة
التالي
ملخص كتاب مزرعة الحيوان

اترك تعليقاً